Perguntas ne’ebé baibain ema husu (FAQs) kona-ba Servisu Maternidade Intensivu (Tetum)

Iha fulan Marsu 2023, ami remata konsultasaun públiku ida hodi buka opiniaun kona-ba mudansa sira ba ami-nia servisu maternidade intensivu. Depoizde konsulta ida ne’e, ami rekomenda katak partu sira hotu iha ospitál tenke hala’o iha Área Antrim Ospitál. Rekomendasaun ida ne’e aprova ona husi Peter May, Sekretáriu Permanente husi Departamentu Saúde. Ida ne’e sei komesa vigora iha loron 17 fulan Jullu 2023. Ami fiar tebes katak ida ne’e sei lori rezultadu di’ak tebes ba inan no bebé sira iha ami-nia kuidadu.

1. Iha ne’ebé mak ha’u bele hetan informasaun kle’an liu tan?

Karik Ita presija informasaun liutan, favór ko’alia ho Ita-nia parteira.

Karik Ita iha preokupasaun urjente nian kona-ba kondisaun isin-rua Ita nian favór liga ba Fetal Maternal Assessment Unit (Unidade Avaliasaun Fetal Materna) iha Ospitál Area Antrim iha 028 9442 4345.

 

Se Ita tilun-diuk no ema ne’ebé uza lian jestual, Ita bele uza Sign Video App – servisu durubasa lian jestual gratuitu, buka ‘Sign Video’ iha app store.

Inan sira ne’ebé agora iha ona markasaun atu partu iha Causeway, sira ida-idak sei simu karta kona-ba planu atu hala’o mudansa ida ne’e, kona-ba prazu tempu ba mudansa, no oinsá mak bele kontaktu atendimentu iha Antrim.

2. Wainhira mak Unidade Maternidade iha Causeway la fornese tan servisu ba pasiente ne’ebé baixa ona no ne’ebé partu iha ospitál?

Unidade Maternidade iha Causeway sei para servisu ba pasiente ne’ebé baixa ona no ne’ebé partu iha ospitál husi meianoite iha Domingo, loron 16 fulan Jullu 2023.

3. Saida mak ha’u sei halo se ha’u hanoin ha’u atu partu ona ka se ha’u iha preokupasaun urjente kona-ba ha’u-nia isin-rua komesa husi loron 17 fulan Jullu?

Se Ita iha preokupasaun kona-ba Ita-nia bebé nia bem-estar durante isin-rua, favór kontaktu Fetal Maternal Assessment Unit (Unidade Asesmentu Maternál no Fetal (bebé)) iha Antrim hodi dere númeru 028 9442 4345. Servisu ida ne’e loke oras 24 loron 7 no parteira ida bele fó informasaun kona-ba bele hetan apoiu iha ne’ebé.

Se Ita sente atu partu ona, favór kontaktu Fetal Maternal Assessment Unit (FMAU) iha Antrim hodi dere númeru 028 9442 4345 atu hetan informasaun kona-ba wainhira mak Ita presiza mai to’o ospital Antrim.

Favór labele ba Sentru Maternidade iha Causeway se Ita atu partu depoizde meianoite iha loron 16 fulan Jullu. Husi loron 17 fulan Jullu 2023, inan ne’ebé atu partu presiza kontaktu Fetal Maternal Assessment Unit iha Antrim.

4. Oinsá mak inan ne’ebé laiha asesu ba transporte sei to’o ba Antrim atu tuur-ahi – liu-liu durante emerjénsia?

Se iha emerjénsia ka se Ita sente karik sei labele konsege to’o iha Antrim atu tuur-ahi , favór telefone Northern Ireland Ambulance Service (Servisu Ambulánsia Irlanda Norte, NIAS) atu hala’o transferensia emerjénsia ba unidade maternidade intensivu ne’ebé besik liu ne’ebé iha fasilidade atu baixa no partu.

Ba inan sira ne’ebé laiha transporte privadu, Fidusiáriu sei kontinua asegura katak nesesidade husi utilizador servisu ne’e hetan asesmentu atu idenfika sira-nia rekizitu espesiál sira.

5. Iha ne’ebé mak ha’u sei hetan kuidadu pré-natal no pós-natal?

Asesu lokál ba servisu kuidadu pré-natal no pós-natal ho kualidade aas mak importante tebes ba inan sira ne’ebé hela iha ita-nia komunidade. Sei kontinua iha klínika pré-natal nian iha Causeway Maternity Hub (Sentru Maternidade Causeway), no ami komesa ona atu aumenta klínika pré-natal sira ba inan sira ne’ebé iha komplexidade, hodi nune’e inan barak la presiza halo viajen ba Antrim atu hetan kuidadu pré-natal.

Wainhira alta depoizde partu, servisu pós-natal sei fornese ba Ita iha Ita-nia uma rasik husi ekipa obstetrísia (parteira) lokál. Iha mós opsaun ba Ita atu atende markasaun iha klínika pós-natal iha Causeway Maternity Hub, se ida ne’e klinikalmente apropriadu ka di’ak liu ba Ita.

6. Karik ha’u bele hili atu ba ospitál Altnagelvin ka ospitál seluk duké Antrim ka lae?

Sim, Ita bele hili atu halo markasaun atu hetan kuidadu pré-natal no partu iha Altnagelvin ka iha ospitál seluk. Maske nune’e, se ita prefere, Fidusiáriu Norte bele nafatin fornese kuidadu pré-natal iha Causeway Maternity Hub

Baibain parteira komunitária iha lokalidade kódigu postal mak fornese kuidadu pós-natal husi, nune’e se Ita hela iha área Fidusiáriu Norte entaun parteira sira husi Fidusiáriu Norte sei fornese Ita-nia kuidadu pós-natal nian.

7. Inan ida bele hili atu partu iha uma ka lae? No, Fidusiáriu Norte fornese servisu sira iha situasaun ne’e ka lae?

Sim, Servisu Maternidade Fidusiáriu Norte komprometidu atu suporta inan sira-nia desizaun kona-ba fatin ba sira atu partu no prontu atu halo diskusaun kona-ba risku no benefísiu ba partu iha uma se inan ida hakarak halo ida-ne’e. Hamutuk ho inan no nia família, parteira sei kria planu bazea ba sira-nia sirkunstánsia individuál, inklui distánsia ba viajen se presiza transferensia. Inan sira sei hetan informasaun barak ne’ebé bazea ba evidénsia atu sira bele halo desizaun informada kona-ba sira-nia preferensia ba fatin partu nian.

8. Oinsá se ha’u la konsege to’o iha Ospitál Antrim wainhira ha’u partu?

Husi konsultasaun ne’e, ami rekoñese katak preokupasaun ida mak distánsia viajen ba ospitál.

Diskusaun individu kona-ba wainhira mak mai ospitál atu partu sei hala’o ho inan hotu. Ba sira ne’ebé hela dook, sira sei hetan instrusaun kona-ba sinál dahuluk atu partu nian no atu mai ospitál lalais, duké hein tan.

Dala ruma partu molok to’o iha ospitál (Births Before Arrival, BBAs) sei akontese, no ne’e la depende ba ospitál ida iha ka lae unidade servisu maternidade intensivu ida. Tuir dadus ne’ebé iha, baibain bebé sira-ne’e la hetan risku ruma ho iha rezultadu pozitivu.

9. Karik númeru partu adisionál iha Antrim sei rezulta taxa intervensaun sa’e?

Fidusiáriu nia objetivu mak atu redús nivel intervensaun ne’ebé la nesesáriu durante partu (wainhira apropriadu) no sei nafatin monitorizadu ho didi’ak. Intervensaun durante isin-rua ka partu sempre presiza iha indikasaun klínika ne’ebé klaru, no tenkesér ko’alia uluk ho inan no hetan konsentimentu antes foti desizaun. Ami sei kontinua oferese opsaun ba perkursu obstetrísia nian kuandu klinikamente apropriadu.